प्रदेश आयुर्वेदिक औषधालय सुर्खेतले भिडियो एक्सरे र ल्याव सेवा शुरु गर्यो।

0

असोज १०, प्रदेश आयुर्वेदिक औषधालय सुर्खेतमा भिडियो एक्सरे र ल्याव सेवा संञ्चालनमा आएको छ।

कर्णाली प्रदेशकै एकमात्र औषधालयमा भिडियो एक्सरे र ल्याव नुहदाँ महंगो शुल्क तिरेर निजि अस्पतालहरुमा जानुपर्ने बाध्यता थियो।

१८ लाखको लागतमा एक्सरे मेशिन मेशिन सुरुभएपछि सेवाग्राहीलार्इ सेवा दिन सहज भएको अस्पताल व्यवस्थापन समितिले जनाएको छ।

अस्पतालले अहिले अन्य सरकारी अस्पताल भन्दापनि सस्तो मुल्यामा भिडियो एक्सरे, ल्याब लगायतका सेवा दिर्इरहेको जनाएको छ।

यस्तै औषधालयमा अत्याधुनिक डिजिटल ल्याब जडान गरेर सेवा समेत शुरुवात गरिएको छ।

अन्य अस्पताल तथा निजि मेडिकल भन्दा छिटो छरितो र सहज रुपमा गुणस्तरिय सेवाहरु प्रदान गरिएको अस्पताल व्यवस्थापन समितिका अध्यक्ष विनोद ढकालले जानकारी दिनुभयो।

उहाँले पहिले नाम मात्रको आयुर्वेदिक औषधालय भएपनि आफु आएपछि धेरै सेवाहरु सुचारु गरिएको दावी गर्नुभयो।

उहाँले कोभिट १९ का कारण आयुर्वेदिक औषधि तर्फ आकर्षण बढेको भन्दै सरकारले अव आयुर्वेदिक चिकित्सालार्इ प्रथामिकतामा राख्नुपर्नेमा जोड दिनुभयो।

अध्यक्ष ढकालले भौतिक पुर्वाधार लगायतक अन्य सेवाहरुको अभाव हुदाँ सेवालार्इ अझै प्रभावकारी बनाउन नसकिएको उल्लेख गर्नुभयो।

औषधालयले गरिब, असाह, अपाङगता भएका अल्पसंख्यकहरुबाट कुनैपनि शुल्क नलिएर सवै प्रकारका सेवाहरु दिएको जनाएको छ।

यस्तै पछिल्लो समय अस्पतालबाट गुणस्तरिय सेवा दिएपछि सेवाग्राहीको चाप समेत बढ्न थालेको छ।

तर भौतिक पुर्वाधार र आवश्यक जनशक्ती अभाव हुदाँ सेवा पुर्याउन निकै कठिन भएको छ।

अहिले औषधालयले ओपिडी, पञ्चकर्मा, क्षारसुत्र, शंख प्रक्षालय, फिजियोथेरापी लगायतका सेवाहरु दिर्इरहेको छ।

सरकारले आयुर्वेदिक क्षेत्रलार्इ व्यवास्थागर्दा औषधालयमा भएको उपकरण पनि थन्किने अवस्थामा पुगेका छन।

यसैबीच कर्णालीको जडिबुटी प्रशोधन गरी औषधी उत्पादन गर्ने  औषधालय स्तरोन्नती गरी आयुर्वेद तथा वैकल्पिक चिकित्सालय बनाउने योजना रहेको अस्पतालका डाक्टर प्रमुख डा शंकरप्रसाद रिजालले बताउनुभयो।

उहाँले औषधालयमा हाल कार्यालय प्रमुख सहित ८ जना दरवन्दीका र ८ जना करारका कर्मचारीबाट सेवा दिर्इरेहको बताउनुभयो।

उहाँले कर्णाली प्रदेशको सामाजिक विकास मन्त्रालयसँग थप जनशक्ति र स्रोतसाधनको माग गरिए पनि पूरा नभएको उहाँको भनाइ छ।

कोरोना भार्इरस संक्रमितहरुलार्इ आफुहरुले आयुर्वेदक औषधिहरु वितरण गरिएको भएपनि सरकारले अन्य अस्पतालालार्इ लाखौ रकम दिएको तर आयुर्वेदक औषधालय कतिपनि रकम नदिएको भन्दै गुनासो गर्नुभयो।

औषधालय प्रमुख डा रिजालले जनशक्ति र स्रोतसाधन अभावले स्थानीयस्तरमा उपलब्ध जडीबुटीको सङ्कलन, प्रशोधन गर्न नसकिएको बताउनुभयो।

आयुर्वेद औषधि भरपर्दो र स्थानीयको पहिलो रोजाइ बन्ने गरेको भएपनि सरकारले उचित नीति तथा कार्यक्रम ल्याउन नस्कदा समस्या भएको बताउनुभयो।

आयुर्वेदिक औषधालयले भौतिक संरचना, आवश्यक स्रोत साधन र जनशक्ति अभावमा गुज्रिएको छ।

प्रदेश सरकारले आफुमातहत ल्याएपनि प्रादेशिक औषधालयको आवश्यक स्तरोन्नती गर्न भने अझै सकेको छैन।

औषधालयमा भएको उपकरण पनि आवश्यक प्राविधिक कर्मचारी अभावले थन्किँदा औषधी उत्पादनमा समस्या भएको छ। जसले औषधालयको सेवा प्रभावित बनेको छ। न्युनतम जनशक्ति र स्रोत साधनबाट सेवा प्रवाह गर्नु पर्दा समस्या भएको आयुर्वेद औषधालयका प्रमुख डा शंकरप्रसाद रिजालको भनाई छ।

कर्णालीको जडिबुटी प्रशोधन गरी औषधी उत्पादन गर्ने  औषधालय स्तरोन्नती गरी आयुर्वेद तथा वैकल्पिक चिकित्सालय बनाउने रहेपनि पुर्वाधार अभाव हुदाँ समस्या भएको डा रिजालले बताए।

 

 

 

Share.

About Author

Leave A Reply