बुलबुले उद्यानको गुरुयोजना तयार ।

0

चैत २९ सुर्खेत- सुर्खेतको मुख्य पर्यटकीय स्थलका रूपमा रहेको बुलबुले उद्यानको गुरुयोजना तयार पारिएको छ।
उपत्यका नगर विकास समितिको स्वामित्वमा रहेको बुलबुले उद्यान गुरुयोजना अनुसार अब फरक बन्ने भएको छ।
तालको माथिल्लो एक छेउमा भने कमलको फुलहरू फुलाइने छ, भने पर्खाल लगाएर छुट्याइने छ।
उद्यानभित्र थुप्रै किसिमका सेवाहरू समेत थप गर्न लागिएको छ।
बुलबुले उद्यानको गुरुयोजना तयार पार्ने आर्किटेक्स डिजाइन एशोसिएशनका सुमन महर्जनका अनुसार उद्यानभित्र टिकट घर, स्नान घर, स्वीमिङ पुल, पिकनिक क्षेत्र, डुङ्गा सवारी, रंगिन बगैँचा, बाल उद्यान, धार्मिक मानिसका लागि भौतिक संरचना लगायतका सुविधाहरू रहने छन्।
गुरुयोजना अनुसार अहिले नुहाउनका लागि प्रयोग गरिएका उद्यानभित्रका धाराहरू अब प्लाजाका रूपमा स्थापना हुने छन् भने नुहाउनका लागि छुट्टै धारा निर्माण गरिने छ।
पहिले वनभोज खाने स्थलका रूपमा प्रयोग हुने ठाउँमा अब बाल उद्यान रहने छ।
उद्यानभित्र साना ठूला गरी ३ सयभन्दा बढी सवारी साधान पार्किङ गर्न मिल्ने पार्किङ स्थल बनाइने छ।
गुरुयोजना अनुसार विभिन्न निकायसँग रकम माग गरी केही वर्षभित्र नै उद्यानको स्तरोन्नति गरी सकिने उपत्यका नगर विकास समितिका अध्यक्ष नारायण कोइरालाले जानकारीदिनुभयो।
उद्यानको स्तरोन्नतिपछि आर्थिक रूपमा पनि वार्षिक एक करोड बढी आम्दानी हुने अनुमान गरिएको छ।
जिल्लाको मुख्य पर्यटकीय स्थलका रूपमा लिइएको उद्यानमा अहिले पनि आन्तरिक तथा बाह्य पर्यटकहरूको अवलोकनका लागि आउने गरेका छन्।

Share.

About Author

Leave A Reply