विकास निर्माणका काममा केन्द्रित हुन सांसदहरुलाई प्रधानमन्त्री ओलीको निर्देशन

0

फागुन–२०।प्रधानमन्त्री तथा नेकपा एमालेका अध्यक्ष केपी शर्मा ओलीले सांसदहरुलाई विकास निर्माणका काममा केन्द्रित हुन निर्देशन दिनु भएको छ। संसद भवन नयाँ बानेश्वरमा एमाले र नेकपा माओवादी केन्द्रका सांसदहरुको संयुक्त बैठकमा ओलीले विकास निर्माणका कामलाइ प्राथमिकता दिनुपर्ने बताउनुभयो।ओलीले एमाले र माओवादी दुई पार्टीबीच छिट्टै एकता हुने भन्दै सहकार्य गर्न सांसदहरुलाई आग्रह गर्नु भएको छ।माओवादी अध्यक्ष पुष्पकमल दाहालले प्राविधिक रुपमा अहिले एमाले र माओवादी फरक देखिए पनि निकट भविष्यमा पार्टि एकता हुने बताउनु भयो।बैठकमा सांसदहरुलाई संसदमा खेल्नुपर्ने भूमिका, सांसदको गरिमा र भूमिकालगायतका विषयमा प्रशिक्षण दिइएको छ।दुई पार्टीका सांसदहरुबीच समान धारण बनाउन र काम गर्ने शैलीमा एकरुपता ल्याउन दुई दलको संयुक्त बैठक गरेर प्रशिक्षण दिइएको हो।पार्टी एकताको घोषणा गरिसकेका एमाले र माओेवादीका तर्फबाट सांसद बनेकाहरुको संयुक्त बैठक पहिलो पटक बसेको हो।

Share.

About Author

Leave A Reply